युवकांच्या मनातलं.

🌺श्री अतिथी गणपती 🌺 सोलापुरातीचे ग्रामदैवत शिवयोगी श्री सिध्दरामेश्‍वर महाराजांनी सोन्नलगी म्हणजेच सोलापूरच्या आग्नेय दिशेला असलेल्या मीठ गल्लीतील शिवानुभव मंगल कार्यालयातील एका छोटेखानी मंदिरात हा शेळगीचा गणपती विराजमान झालेला आहे.  शिवयोगी सिद्धरामेश्वरांची कीर्ती ऐकून त्याकाळी शेजारच्या शेळगी ग्रामातील हा गणपती सिद्धरामांच्या पवित्र सानिध्यात राहावयास मिळावे ही इच्छा मनात धरून सोन्नलगीमध्ये आला व त्याने सिद्धरामास आश्रय देण्याची विनंती केली, अशी पुराणकथा या गणपतीबाबत प्रसिद्ध आहे.  श्री माधवराव पेशव्यांनी सोलापुरात माधव पेठ स्थापन केली. त्याकाळची ही घटना असावी, असे जुन्या जाणत्या लोकांकडून सांगण्यात येते. 🌺 गणपती बाप्पा मोरया - मंगलमुर्ती मोरया 🌺 Location : Shree Shankeshwar Ling Temple Bhavani Peth, Solapur, Maharashtra https://goo.gl/maps/Gqz7qXZvTbvqccpy7

 🌺श्री मश्रुम गणपती 🌺 सोलापूरचे ग्रामदैवत  शिवयोगी श्री सिध्दरामेश्‍वर महाराजांनी सोन्नलगी म्हणजेच सोलापूरच्या उत्तरेस तुळजापूर रोडवरील हिप्परगा तलावाच्या शेजारी स्थापन केलेल्या या गणपतीचे मंदीर आहे.  या गणपतीचे नाव देखील कन्नडमिश्रित उच्चारानेयुक्त मश्रुम गणपती असे आहे. कन्नडमध्ये मश्रुम याचा भावार्थ 'मसरू' म्हणजे 'दही', 'उम्म' म्हणजे 'खा' किंवा 'जेव' असा होतो. या दोन्ही शब्दांचा जोडशब्द दही खाणारा गणपती असा होतो.  या शब्दाचा  अपभ्रंश  होऊन कालांतराने मश्रुम गणपती असे एकेरी नाव रूढ झाले. सोलापुरातून या गणपतीला पायी चालत जाणाऱ्यांची संख्या वाढत आहे.  त्याचबरोबर हिप्परगा तलावाशेजारी हे मंदिर असल्यामुळे त्याच्या सौंदर्यात आणखीनच भर पडते. 🌺 गणपती बाप्पा मोरया - मंगलमुर्ती मोरया 🌺 स्थान / Location : https://goo.gl/maps/wgzqmuFjto3Q9BHD8 (Google Maps)

सोलापूरचे ग्रामदैवत शिवयोगी श्री सिध्दरामेश्‍वर महाराजांनी सोन्नलगी म्हणजेच सोलापूरच्या वायव्य दिशेला सोलापूर - बार्शी रोडवरील मार्डीकडे जाणार्‍या रस्त्यावरील बाणेगाव येथील इरण्णा पाटील यांच्या वीटभट्टीजवळ शेतात रस्त्याच्या कडेला या गणपतीचे मंदीर आहे. हा गणपती आपल्या भक्कम दातांच्या सहायाने संकटरूपी असुरांचा नाश करून त्याला शरण आलेल्या भक्तांचे रक्षण करतो, अशी भक्तांची श्रध्दा आहे. 🌺 गणपती बाप्पा मोरया - मंगलमुर्ती मोरया 🌺 स्थान / Location : https://goo.gl/maps/hyFAmnL9ZJMj6BgHA (Google Maps)

सोलापुरातील ग्रामदैवत शिवयोगी श्री सिध्दरामेश्‍वर महाराजांनी सोन्नलगी म्हणजेच सोलापूरच्या पश्‍चिम दिशेला सम्राट चौकाच्या अगोदर असलेल्या बसवंती मंगल कार्यालयाच्या अलीकडच्या बोळातून या वीरकर गणपतीचे मंदीर आहे.  संस्कृत भाषेत वीरकर म्हणजे शूरबाहू असलेला बलदंड हाताचा असा होतो.  श्री सिद्धरामेश्वर  यात्रेतील मानकरी देशमुख यांच्या मळ्यामध्ये असलेल्या या गणपतीच्या मंदीरातच सिध्दरामेश्‍वर महाराजांनी स्थापन केलेल्या ६८ लिंगापैकी ३१ वे पशुपतीय लिंगदेखील आहे. 🌺 गणपती बाप्पा मोरया - मंगलमुर्ती मोरया 🌺 स्थान / Location : https://maps.app.goo.gl/PtXPHsaSjgqEPLbBA (Google Maps)

सोलापूरचे ग्रामदैवत शिवयोगी श्री सिध्दरामेश्‍वर महाराजांनी सोन्नलगी म्हणजेच सोलापूरच्या पूर्व दिशेला अक्कलकोट रोडवरील कुंभारी शिवारात नवीन अक्कलकोट जकात नाक्याला लागूनच रस्त्याच्या कडेला हे श्री वीरेश गणपतीचे मंदीर आहे.  पूर्वीच्या काळी सोलापूरहून श्रीशैल मल्लिकार्जुनाच्या यात्रेस पायी चालत जाणारे भाविक यात्रेकरू आपला पुढील प्रवास सुखकर व्हावा यासाठी या गणपतीची प्रथम पूजा करून नंतर यात्रेस आरंभ करीत असत.  श्री सिध्दरामेश्‍वर महाराजांच्या जानेवारी महिन्यातील यात्रेच्या शुभारंभ हा वीरेश गणपतीला तेलाचा दिवा लावूनच दरवर्षी करण्यात येतो. 🌺 गणपती बाप्पा मोरया - मंगलमुर्ती मोरया या 🌺 Ganpati Ghat MH SH 151, Sangameshwar Nagar, Solapur, Maharashtra 413006 https://maps.app.goo.gl/Mr9tXobN2vrQEhro6

सोलापुराचे  ग्रामदैवत शिवयोगी श्री सिध्दरामेश्‍वर महाराजांनी सोन्नलगी म्हणजेच सोलापूरच्या सोलापूरच्या नैऋत्य दिशेला स्थापन केलेला चौथा गणपती म्हणजे सोलापूर-मंगळवेढा रस्त्यावरील देगाव लमाण तांंड्यावरील करी गणपती होय.  कबीरसाहब मुल्ला या पैलवानाच्या शेतात या गणपतीचे मंदीर आहे. हा गणपती एका मुस्लीम धर्मीय कुटुंबाच्या मालकीच्या शेतात असून राष्ट्रीय एकात्मतेचे दर्शन येथे घडते.  या गणपतीच्या दर्शनाने विशेष फळ म्हणजे दृष्टिबाधा म्हजेच नजर लागलेल्या लहान बालकांची सर्व पिडा दूर होते व दृष्टिदोषाचे निवारण होते अशी या गणपतीची ख्याती आहे. 🌺 गणपती बाप्पा मोरया - मंगलमुर्ती मोरया 🌺 स्थान / Location : Kari Ganpati Solapur, Maharashtra 413002 https://maps.app.goo.gl/nquD3uN2EG7pzzix8

🌺 श्री धुळी महांकाळ गणपती 🌺  सोलापूरचे ग्रामदैवत शिवयोगी श्री सिध्दरामेश्‍वर महाराजांनी सोन्नलगी म्हणजेच सोलापूरच्या दक्षिणेेला असलेल्या सोलापूर-विजयपूर महामार्गावरील कंबर तलाव म्हणजेच धर्मवीर संभाजी महाराज तलावाच्यासमोर असलेल्या पुरातन श्री रेवणसिध्देश्‍वर मंदीराच्या प्रांगणात स्वहस्ते स्थापन केलेला तिसरा गणपती हा धुळी महांकाळ गणपती होय.  या गणपतीचे नाव श्री नंदी म्हणजेच धुळी महांकाळ गणपती असे आहे. श्री रेवणसिध्देश्‍वर मंदीरात दर्शनासाठी येणार्‍या काही जाणकारांच्या मते आपल्या चिमुकल्या बाळास या गणपतीच्या चरणावर वाहतात. यामुळे बाळाचे आयुष्य वाढते, अशी श्रध्दा आहे. 🌺 गणपती बाप्पा मोरया - मंगलमुर्ती मोरया 🌺 स्थान / Location  येथे क्लिक करा आणि दर्शन‌ घरच्या 🙏 goo.gl/maps/DAiJovh3JEw85mZe6  

सोलापूरचे ग्रामदैवत शिवयोगी श्री सिध्दरामेश्‍वर महाराजांनी सोन्नलगी म्हणजेच  सोलापूरच्या अग्नेय दिशेला जुन्या कुंभारी ते होटगी रोडवरील होटगी शिवारात एका शेताच्या बांधावर बेनक गणपतीचे मंदिर आहे.  या गणपतीचे  दर्शन घेतल्यास तो भक्तांचा पाठीराखा बनून त्यांची सर्व दुःखे दूर करतो अशी श्रध्दा आहे. 🌺 गणपती बाप्पा मोरया - मंगलमुर्ती मोरया 🌺 स्थान / Location : https://goo.gl/maps/T9fiyYRKvsAoYq6j8  

 सोलापुराचे ग्रामदैवत श्री शिवयोगी सिद्धरामेश्वर महाराजांनी  सोलन्नगी म्हणजेच सोलापूरच्या आठही दिशांना पुरातन काळात अष्टविनायकांची स्थापना केली आहे. सोलापूरच्या सुरक्षेसाठी , कोणत्याही प्रकारचे परकीय  आक्रमणे होऊ नयेत. सोलापुरातील जनता ही सुरक्षित राहावी यासाठी ही स्थापना केली आहे.  तर आपण पुढील सदरात. प्रत्येक अष्टविनायकांची माहिती घेऊया.                          🌺 गणपती बाप्पा मोरया 🌺                          🌺 मंगलमुर्ती मोरया.     🌺 श्री शिवयोगी सिद्धरामेश्वर महाराज.